Gazeta Si – Pak më shumë se një orë në fushë për Armando Brojën në gjysmëfinalen e kthimit të Carabao Cup ndaj Midëllsbrout. Çelsi fitoi 6-1 në këtë ndeshje, por emri i sulmuesit shqiptar mungon në listën e golashënuesve. Megjithatë, ai ishte protagonist për skuadrën e tij.
Broja e shijoi përgjysmë golin e parë të Çelsit, që u shënua nga një mbrojtës kundërshtar, në tentativë për të larguar topin nga këmbët e futbollistit shqiptar. Edhe në rastin e golit të dytë, Broja mori pjesë në aksion, kur topi i prekur prej tij shkoi në këmbët e Fernandez.
Sulmuesi kuqezi u ndërrua nga trajneri Poçetino në minutën e 65-të. Ndoshta argjentinasi ka dashur ta ruajë për kampionatin, pasi mund të linte ende në fushë që Broja të gjente golin.
🔵 @ChelseaFC are going to WEMBLEY!#EFL | #CarabaoCup pic.twitter.com/C9l7OKCCKf
— Carabao Cup (@Carabao_Cup) January 23, 2024
Çelsi është kualifikuar për në finalen e Carabao Cup, ku do të ndeshet me Liverpulin ose Fulhemin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
