Gazeta Si – Ku do të shkojë Zhoze Mourinjo pas largimit nga Roma? Brazili, Arabia Saudite? Mundësitë në fakt janë të kufizuara për trajnerin e njohur portugez. Së fundi spikat edhe një mundësi tjetër në Serinë A.
Mourinjo te Napoli? Ajo që mund të konfirmohet është se pas shkarkimit nga Roma, agjenti i fuqishëm Jorge Mendes nuk ka humbur kohë dhe ka kontaktuar presidentin e Napolit, Aurelio De Laurentis. Një telefonate eksploruese në fakt, pasi Napoli po sheh profile të ndryshme për trajnerin e sezonit të ri.
De Laurentis, që nga Rijadi po punon për merkaton, e ka marrë në konsideratë disponibilitetin e Mourinjos. Raportet me Mendes janë shumë të mira, por për momentin mund të flitet vetëm për një hipotezë.
Paga e Mourinjos, 7 milionë euro plus bonuset në vit, kaq merrte portugezi te Roma, sigurisht që është një pengesë jo e vogël për parametrat financiarë të Napolit. Një sforco ekonomike të tillë presidenti De Laurentis do ta bente vetëm për Antonio Konten. Megjithatë, kontakti Mendes-De Laurentis duhet mbajtur nën vëzhgim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
