Gazeta Si – Ka filluar tashmë numërimi mbrapsht drejt Euro 2024, ku merr pjesë edhe Shqipëria. Italia, një nga skuadrat e grupit për kuqezinjtë, ka zbuluar së fundi ‘shtëpinë’ e saj për këtë aktivitet.
“Për Uefa Euro 2024, qendra e qëndrimit të Italisë do të jetë në Iserlohn, – shkruhet në njoftimin zyrtar të Federatës Italiane të Futbollit. – Skuadra do të sistemohet në ‘Hotel VierJahreszeiten’ dhe do të stërvitet në ‘Hemberg-Stadion’, duke pasur mundësinë për të shkuar lehtësisht në stadiumet e dy ndeshjeve të para.
Në Dortmund dhe Gelsenkirchen, ku Italia do të përballet me Shqipërinë dhe Spanjën, respektivisht më 15 qershor dhe 20 qershor”. Selia e ‘axurrëve’ është rreth 30 kilometra larg Dortmundit, pra afër kuqezinjve. Ditën e dytë të Europianit këto dy skuadra do të luajnë sfidën e parë në grup.
Kombëtarja shqiptare, e drejtuar nga trajneri Silvinjo, do të qëndrojë në ‘SportCentrum Kaiserau’, një nga komplekset më të mira që ndodhet afër Dortmundit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
