Gazeta Si – Një talent i pastër, por edhe shumë i brishtë. Paulo Dibala, sulmuesi argjentinas i Romës, nuk ka pasur asnjëherë vazhdimësi për shkak të dëmtimeve të shpeshta, ku ai është vërtet ‘kampion’ me 101 ndeshje të humbura deri tani në Itali.
Problemi në derbin e fundit me Lacion është i fundit i një serie të gjatë dëmtimesh për argjentinasin, që nga koha e Palermos, për të vazhduar me Juventusin dhe Romën. Kjo e fundit është ndryshe me Dibalën në fushë dhe ndryshe pa të, ndaj dhe trajneri Mourinjo e prek shpesh si argument.
Argjentinasi është dëmtuar vazhdimisht te Roma, por edhe gjatë 7 viteve me Juventusin. Muskujt e këtij sulmuesi janë vërtet delikatë, aq sa e ka të vështirë të luajë tri ndeshje radhazi. Sidomos tani, që ‘Joya’ ka kaluar moshën 30 vjeç.
Me kalimin e viteve është rritur edhe numri i dëmtimeve dhe rrjedhimisht edhe i ndeshjeve të humbura nga ky lojtar. Vërtet një mëkat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
