Gazeta Si – Rei Manaj po kalon një formë shumë të mirë në kampionatin turk. Sulmuesi shqiptar, jashtë Kombëtares për eliminatoret e Euriopianit, realizoi dy gola sot për Sivasporin, duke i dhënë 3 pikët skuadrës në ndeshjen jashtë fushe me Kajserisporin.
Ndeshja dukej se do të mbyllej në barazim, 1-1, por Manaj shënoi në shtesë fillimisht me penallti dhe më pas me një kundërsulm të shpejtë. Futbollisti lushnjar ishte lojtari më i mirë i ndeshjes për skuadrën e tij.
Dhe tashmë janë 8 golat që sulmuesi 26-vjeçar ka shënuar në këtë kampionat, një shifër e konsiderueshme që konfirmon formën e tij shumë të mirë, që mund t’i hapë rrugën rikthimit në Kombëtare për Europianin e Gjermanisë.
REY MANAJ SAYS GAME OVER IN KAYSERI!!
— Football in Türkiye ⚽️🇹🇷 (@KaralarOsman1) January 7, 2024
90+7' Kayserispor 1 – 3 Sivassporpic.twitter.com/hBJ7rc87gN
Manaj shton edhe më shumë vështirësitë e zgjedhjeve për listën përfundimtare të Silvinjos për Euro 2024. Çdo sulmues ka shanset e veta, në varësi të formës sportive, trajneri brazilian e ka bërë të qartë këtë parim. Dhe Manaj mund të jetë në avantazh ndaj emrave të tjerë, nëse vazhdon me këtë ritëm.
Gjatë kualifikueseve të Europianit trajneri Silvinjo është bazuar te Cikalleshi dhe Daku për qendrën e sulmit, ndërsa në krahë kanë luajtur Uzuni, Asani, Seferi e Muja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
