Gazeta Si – Kristiano Ronaldo vazhdon të shkruajë historinë. Me dopietën e shënuar në ndeshjen e fundit ndaj Al Itihad, ai ka shkuar në kuotën e 53 golave për vitin 2023, më shumë se çdo lojtar tjetër.
Portugezi ka kaluar anglezin Herri Kejn dhe francezin Kilian Mbape, të ndalur në shifrën e 52 golave për vitin që po mbyllet. Në vend të katërt të kësaj liste qëndron norvegjezi Erling Haland, në kuotën e 50 golave.
Në gjithë karrierën e tij, Kristiano Ronaldo ka shënuar 872 gola. Një natë më parë 38-vjeçari shënoi 2 gola në sfidsën e parë si kundërshtar me mikun e tij Karim Benzema, me të cilin kanë kaluar vite të bukura te Real Madrid.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
