Gazeta Si – Skuadra e Pep Guardiolës ka triumfuar në finalen e Botërorit të klubeve, ku ka mundur 4-0 Fluminensen. Dy gola dhe një asist për Julian Alvarez.
Mançester Siti është kampion bote. Anglezët kanë treguar vlerat e tyre në finalen Botërorit të klubeve ndaj brazilianëve të Fluminenses, duke i mposhtur ata 4-0. Goleadën e hapi Julian Alvarez pas 40 sekondash, me një ‘tap in’ me gjoks, pas shtyllës së goditur nga Aké.
Më pas erdhi autogoli i Nino, pas një krosi të Foden, i cili mbylli llogaritë në minutën e 72-të, pas një asisti të Alvarez. Argjentinasi ‘vulosi’ rezultatin në 4-0 2 minuta para fundit.
Brazilianët u munduan të reagonin në disa momente të ndeshjes, por vuajtën presingun e skuadrës së Guardiolës. Fitorja e parë për Mançester Sitin në finalen e parë të luajtur në këtë kompeticion. Për kampionët e Europës është trofeu i katërt sezonal.
¡𝐒𝐎𝐌𝐎𝐒 𝐂𝐀𝐌𝐏𝐄𝐎𝐍𝐄𝐒 𝐃𝐄𝐋 𝐌𝐔𝐍𝐃𝐎! 🌍🏆 pic.twitter.com/wwXPHNNJ6R
— Manchester City (@ManCityES) December 22, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
