Gazeta Si – Mesfushori shqiptar u largua nga Arsenali pas 7 sezonesh, për t’u rikthyer në Gjermani, këtë herë me fanellën e Bajer Leverkusen. Për ‘The Athletic’ ai ka folur me jo pak irritim për largimin nga ‘Topçinjtë’.
Granit Xhaka zgjodhi projektin e Bajer Leverkusenit të Ksabi Alonsos në verë. Një zgjedhje e mirë, pasi ekipi i tij po dominon kampionatin, ndërsa raportet e mesfushorit shqiptar me Arsenalin duket se nuk janë mbyllur në mënyrën më të mirë. Pas 6 muajsh nga largimi nga Premier Liga, Xhaka ka folur për këtë çështje.
“Arsenali ka treguar pak respekt ndaj meje edhe kur isha kapiten i skuadrës. Ishte e qartë se donin të liroheshin prej meje. Të gjithë, përveç një personi, që është trajneri Arteta. Mikel më tha se donte që unë të qëndroja në skuadër. U largova me zemër dhe me shpirt nga Arsenali”, – është shprehur Granit Xhaka.
Këtë sezon mesfushori shqiptar që luan për Zvicrën po tregon një nivel të lartë, duke qenë një nga liderët e Bajer Leverkusen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
