Gazeta Si – Në ‘Stadium’ triumfon Juventusi cinik i Alegrit, falë një goli me kokë të mbrojtësit Gati. Baredhezinjtë marrin kryesimin e renditjes, duke pritur Inter-Udineze, ndërsa Napoli, pas kësaj humbjeje, shkon -12 pikë.
Juventusi vazhdon t’i bëjë presion Interit. Në ndeshjen hapëse të javës së 15-të të Serisë A, torinezët mundën 1-0 Napolin e Valter Maxarrit, duke shkuar përkohësisht +1 nga Interi. Ishte një ndeshje me disa episode interesante, që mund ta kishin ndryshuar rrjedhën e saj.
Gjatë pjesës së parë Vlahoviç gaboi totalisht përballë Meret, por edhe më rëndë gaboi Kvaratskhelia, duke ‘ngrënë’ golin e avantazhit, teska i vetëm përballë portës gjuajti jashtë. Më pas Shezni u bë shpëtimtar ndaj një gjuajtjeje të Di Lorencos.
Në pjesën e dytë erdhi goli i Gatit, i cili devijoi topin saktë me kokë, pas një asisti të Kambiasos. Juventusi arriti më pas ta përballonte reagimin e Osimhen dhe shokë dhe siguroi 3 pikë të rëndësishme sipas mënyrës së vet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
