Gazeta Si – Tre vende bosh dhe 12 kombëtare ende në lojë për të qenë në Gjermani 2024, aty ky Shqipëria ka shkuar direkt nga kualifikueset si kryesuese e grupit të saj. Shorti i hedhur sot ka përcaktuar dhe rrugën që do të ndiqet në ndeshjet shtesë për të përcaktuar 3 skuadrat, që do të kompletojnë 24-shen e Euro 2024.
Skuadrat që luajnë në Play-off e kanë fituar këtë të drejtë, falë rrugëtimit të tyre në Ligën e Kombeve. Janë tri grupe tashmë, “A”, “B” dhe “C”, në fund të secilit prej tyre del një skuadër që shkon në finalet e Europianit. 12 skuadrat e Play-Off-it janë: Polonia, Estonia, Uellsi, Finlanda, Izraeli, Bosnja, Islanda, Ukraina, Gjeorgjia, Luksemburgu, Greqia dhe Kazakistani.
Këto janë çiftet e dala nga shorti i hedhur sot në Nion, ku fituesi përcaktohet me një ndeshje teke.
Grupi A
Poloni-Estoni (fituesi luan finalen në shtëpi)
Uells-Finlandë
Grupi B
Izrael-Islandë
Bosnjë-Ukrainë (fituesi luan finalen në shtëpi)
Grupi C
Gjeorgji-Luksemburg (fituesi luan finalen në shtëpi)
Greqi-Kazakistan
Më të favorizuara duken Polonia, Bosnja dhe Gjeorgjia. Kjo e fundit nuk do të ketë në ndeshjen e parë yllin e saj, Khviça Kvaratskhelia. Ai nuk luan me Luksemburgun dhe arsyeja është vërtet e pabesueshme. Një naivitet i menaxherit të skuadrës, Katsitadze. Lojtari i Napolit u ndëshkua me karton ndaj Spanjës dhe plotësoi numrin e të verdhëve që ia mohojnë ndeshjen e parë të Play-off-it. Fare mirë mund të mos luante në atë ndeshje pa rëndësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
