Gazeta Si – “Për 10 ditë kemi provuar me të gjitha mënyrat që të merrnim Lionel Mesin te Milani. Në fund kuptuam se ishte e pamundur”. Një prapaskenë që e zbulon ish-drejtori teknik i klubit kuqezi, Paolo Maldini, i ftuar në ‘PoretCast’.
“Tani është vonë, por një futbollist si Mesi është spektakël për të gjithë. Kur lexoja se mund të shkonte tek Interi, isha i hidhëruar”, – ka thënë më tej Maldini.
Për sa i takon çështjes së titullit kampion për këtë sezon, ish-drejtuesi i klubit kuqezi është shumë i qartë: “Titulli në Serinë A? E ka fituar Interi tashmë”.
Për të ardhmen Paolo Maldini ka thënë: “Trajner nuk do të bëhem kurrë. Shikoja babanë që kishte gjithmonë valixhen gati, pastaj ndoshta takon ndonjë president pak kështu… Nuk e ndjeja. Çfarë më mungon? Ambienti i dhomave të zhveshjes, emocionet e ndeshjes, adrenalina e njerëzve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
