Gazeta Si – Kualifikuese krejtësisht për t’u harruar për Kosovën, që ka zënë vendin e parafundit në Grupin I, duke lënë pas vetëm Andorrën. ‘Dardanët’ u mundën sot në ‘Fadil Vokrri’ 0-1 nga Bjellorusia, me një gol të shënuar nga Antilevski në fundin e pjesës së parë.
Kosova ishte afër golit me Vojvodën, Muslijën dhe Bytyqin, por asnjëri prej tyre nuk mundi ta kalonte portierin bjellorus. Pavarësisht përpjekjeve në pjesën e dytë për të shkuar të paktën te barazimi, rezultati nuk ndryshoi. Edhe Qëndrim Zyba u ndal nga portieri mik.
Lojtarët e Kosovës pretenduan për një penallti 5 minuta para fundit të ndeshjes, por arbitri vazhdoi lojën. ‘Dardanët’ e kanë mbyllur kështu me humbje fushatën kualifikuese të Euro 2024.
Në ndeshjen e sotme trajneri Gliha pati sërish mungesa shumë të rëndësishme, si Muriqi, Rashica, Zhegrova, Rrahmani e ndonjë tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
