Gazeta Si – Tefik Osmani është drejtori i ri sportiv i Vllaznisë. Klubi shkodran ka bërë një tjetër lëvizje të rëndësishme në strukturën drejtuese, ku vendin e Elvis Plorit të larguar tashmë, e ka marrë ish-drejtori sportiv i Tiranës.
“Klubi i Futbollit Vllaznia bën të ditur se ka arritur marrëveshjen për pozicionin e drejtorit sportiv me z.Tefik Osmani. Ai vjen mbas një përvoje të konsoliduar në menaxhimin sportiv, të suksesshme dhe plot trofe. Klubi falenderon përpjekjet dhe përkushtimin e z.Elvis Plori për kontributin e tij të vazhdueshëm”, – shkruhet në njoftimin zyrtar të klubi verior.
Pak javë më parë Vllaznia emëroi në stol Qatip Osmanin, ish-trajnerin e Shkëndijës së Tetovës, që zëvendësoi Migen Memellin. Tani vjen edhe një tjetër Osmani, shumë i njohur në futbollin shqiptar. Tefik Osmani në karrierën e tij ka veshur edhe fanellën e Vllaznisë, kështu që për të është një rikthim, por në një pozicion tjetër.
Gjatë këtij sezoni skuadra shkodrane ka pasur një ecuri me luhatje të forta, ndaj dhe drejtuesit e klubit kanë bërë këto ndryshime, kur jemi ende në fillim të fazës së dytë të kampionatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
