Gazeta Si – Marie Louise Eta do të jetë zëvendëse e trajnerit Marko Grote tek Union Berlin. Emërimi i saj përfaqëson një moment historik në Europë, sepse ndodh për herë të parë në futbollin që vlen. Asnjë femër nuk ishte ulur më parë në stolin e një klubi të 5 kampionateve kryesorë të meshkujve në Europë.
Eta dhe Grote, i cili ka zëvendësuar Urs Fisher të shkarkuar pas 13 humbjeve radhazi, do të debutojnë më 25 nëntor kundër Augsburgut.
Eta është një ish-futbolliste. Ajo ka qenë mesfushore e Turbine Potsdam, Hamburgut, Kopenburgut dhe Verder Bremenit. Në 2019-ën është bërë bashkëpunëtore teknike në kombëtaret gjermane të moshave në futbollin e femrave. Nga qershori ishte në stafin U-19 të Union Berlinit, bashkë me Grote.
Precedentët e ngjashëm janë të paktë dhe u përkasin të gjithë turneve inferiorë, apo ekipeve të moshave. Së fundi ka pasur edhe një eksperiencë të tillë edhe në Shqipëri, te Shkumbini në Kategorinë e Dytë, ku turkja Ilknur Aktash u emërua zëvendëstajnere.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
