Gazeta Si – Trajneri Luçiano Spaleti ka publikuar listën me lojtarët e grumbulluar për ndeshjet kualifikuese të Euro 2024 ndaj Maqedonisë së Veriut dhe Ukrainës. Dy janë të rejat më të rëndësishme në listën e tij, Andrea Kolpani i Moncës dhe Andrea Kambiaso i Juventusit, të cilët debutojnë me ‘axurrët’.
Për t’u evidentuar janë mungesa e madhe e Çiro Imobiles dhe rikthimet e Davide Kalabrias, që mungonte që prej qershorit të 2022-shit, Buonxhornos, Toloit dhe Zhorzhinjos, të cilët rigjejnë fanellën e Italisë 5 muaj pas Finals të Ligës së Kombeve.
Italia pret Maqedoninë e Veriut të premten e 17 nëntorit në ‘Olimpico’, më 20 nëntor pastaj luan sfidën vendimtare me Ukrainën në Leverkusen. Në lojë është vendi i dytë i Grupit C, që vlen kualifikimin direkt në Gjermani 2024.
𝑵𝒂𝒛𝒊𝒐𝒏𝒂𝒍𝒆 🇮🇹
— Nazionale Italiana ⭐️⭐️⭐️⭐️ (@Azzurri) November 10, 2023
La lista dei 29 convocati del Ct Luciano #Spalletti per le qualificazioni a #EURO2024
🏟 Roma
🗓️ 17 Novembre
🆚 𝑀𝑎𝑐𝑒𝑑𝑜𝑛𝑖𝑎 𝑑𝑒𝑙 𝑁𝑜𝑟𝑑 🇲🇰
🏟 Leverkusen
🗓️ 20 Novembre
🆚 𝑈𝑐𝑟𝑎𝑖𝑛𝑎 🇺🇦
▶️ https://t.co/bvtJBzOzTW#Azzurri #VivoAzzurro pic.twitter.com/NE51yD6W82
‘Axurrët’ e kanë fatin në dorën e tyre. Nëse mundin Maqedoninë e Veriut, do të mjaftonte edhe barazimi ndaj Ukrainës për vendin e dytë. Barazimi ose humbja ndaj Maqedonisë së Veriut, do ta kthente në detyrim fitoren me Ukrainën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.