.png)
Gazeta Si – Interi kishte arsye të dyfishtë për të festuar në dhomën e zhveshjes pas fitores 0-1 ndaj Salcburgut. Jo vetëm që ka siguruar kualifikimin për në fazën me eliminim direkt në Champions, por ka fituar edhe të drejtën për të shkuar në Botërorin e klubeve që zhvillohet në verën e 2025-ës.
Skuadra e Inzagit ka fituar pikët e nevojshme për të qenë pjesë e këtij kompeticioni dy vjet para se ai të zhvillohet. Interi është skuadra e parë italiane që e arrin këtë objektiv.
Kristjan Asllani me shokë bashkohen kështu me të kualifikuarat e tjera, që janë Çelsi, Real Madrid dhe Mançester Siti. Këto skuadra e kanë fituar të drejtën e pjesëmarrjes si fitueset e fundit të Championsit, përveç PSG-së dhe Bajernit të Mynihut.
Sa i takon mesfushorit të Kombëtares, ai ka marrë sërish vlerësime nga trajneri Simone Inzagi për paraqitjen e bërë ndaj Salcburgut. "Po më bind çdo ditë e më shumë", - tha trajneri italian pas ndeshjes. Rritja e lojtarit kuqezi vazhdon.
Janë kualifikuar edhe Palmeiras, Flamengo dhe Fluminense si fituese të Kupës Libertadores nga 2021-shi në 2023-shin, ashtu si dhe Al-Hilal dhe Urava Reds, fitues të Championsit aziatik.
Kualifikim direkt edhe për Al-Ahli (fitues i CAF Champions 2020/21 dhe 2022/23), Uidad Kazablanka (fituese e Champions 2021/22), Monterrei (fitues i CONCACAF Champions 2021), Siatëll Sounders (fitues i CONCACAF Champions 2022) dhe Leon (fitues i CONCACAF Champions 2023).
Mbeten për t’u përcaktuar edhe 16 vendet e fundit, nga të cilat 6 nga UEFA dhe ato që mbeten nga Azia (2), Afrika (2), Amerika (2) dhe Amerika e Jugut (4)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
