Gazeta Si – Kategoria e Parë dhe e Dytë luajtën sot ndeshjet e shtyra nga fundjava për shkak të motit të keq. Dhe problematikat nuk munguan në disa fusha për nivelin e futbollit inferior në Shqipëri.
Në stadiumin e Beratit, ku u luajt ndeshja Tomori-Burreli, pati momente paniku, sepse dy lojtarë të ekipit matjan u përplasën kokë më kokë mes tyre. Florenc Farruku ka rënë pa ndjenja në fushë, duke trembur jo pak lojtarët e tjerë dhe publikun.
Me ndërhyrjen e dy stafeve mjekësore lojtari u përmend dhe më pas u transportua për në spitalin e Beratit për të marrë ndihmë më të specializuar mjekësore. Për fat të mirë, rreziku i madh kaloi.
Në Pogradec ndërkohë u rishfaqën skenat e dhunës, këtë herë në fushë. Në fillimin e ndeshjes Pogradeci-Butrinti, pas një kartoni të kuq ndaj një lojtari të Butrintit, të gjithë lojtarët e ekipit sarandiot iu vërsulën arbitrit, duke e marrë përpara. Bashkë me ta edhe një zyrtar i klubit mik, që gjithashtu u ndëshkua me karton të kuq.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.