.png)
Gazeta Si - Thomas Zilliacus rishfaq sërish interesin për Interin. Menaxheri finlandez prej muajsh poston mesazhe në rrjetet sociale për familjen Zhang në lidhje me klubin zikaltar. Këtë herë ai flet me shifra konkrete.
"Sapo kam firmosur një akord me disa investitorë që duan të investojnë në kompaninë time ‘XXI Century Capital’, për të bërë së bashku shumën prej 2.5 miliardë dollarësh. Do të bëjmë një ofertë të re miqësore për Interin, duke përdorur një pjesë të këtij fondi", - shkruan Zilliacas.
Steven Zhang gjithsesi duket se nuk ka në plan ta shesë Interin. Ai ka një plan për të rifinancuar borxhin dhe për të mbajtur pronësinë. Huaja e Oaktree skadon në maj të 2024-ës, kur kompania nga Luksemburgu që kontrollon Interin duhet t’i shlyejë fondit amerikan më shumë se 350 milionë dollarë. Nuk ka shumë kohë dhe kuptohet që duhet një zgjidhje në fund të këtij vitit.
Ka pasur edhe fonde të tjera që kanë pasur kontakte direkt për blerjen e klubi zikaltër. Më pas janë tërhequr, pasi kanë studiuar situatën dhe kanë mësuar shifrën që Zhang kërkon për shitjen e Interit: 1.3 miliard euro.
XXI Century Capital has signed agreements for 2.5 billion USD with investors who want to invest in the projects of XXICC. We will make an updated friendly offer for Inter Milan using part of the funds. #nerazzurri #intermilan #SerieA #xxicc pic.twitter.com/NRgNZ2n8pE
— Thomas Zilliacus (@TZilliacus) November 6, 2023
Thomas Zilliacus është një ish-drejtues i Nokia, që ka themeluar ‘Asia-Pacific Strategic Alliances Group’ dhe ‘Mobile FutureËorks’. Janë kompani që merren mbi të gjitha me tregun imobiliar, sportin dhe telekomunikacionin për një vlerë prej më shumë se 3 miliardë dollarësh.
Muajt e fundit është folur për të edhe te Mançester Junajtid, por finlandezi nuk ka mundur të gjejë partnerët e duhur dhe e ka braktisur pistën e klubit anglez. Por nuk është rastësi që ai komenton shpesh në rrjetet sociale edhe ‘Djajtë e kuq’, përveç Interit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
