Gazeta Si – Fitore edhe në ‘Artemio Franchi’ për Juventusin, e katërta radhazi në kampionat dhe tashmë bardhezinjtë janë vetëm 2 pikë larg Interit kryesues. Ka vendosur një gol i Miretit ndaj Fiorentinës.
Skuadra e Masimiliano Alegrit nuk i ndahet Interit. Në javën e 11-të të Serisë A Juventusi ka bërë Juventusin, duke fituar 0-1 dhe duke marrë 3 pikë të çmuara në garën e titullit kampion.
Mjaftoi goli i Miretit në minutën e 10-të, por edhe një super Shezni, që në pjesën e parë evitoi golin e barazimit në dy raste, fillimisht ndaj Niko Gonzalez, pastaj në një goditje dënimi të Biragit.
Juventusi u mbrojt me të gjitha forcat në pjesën e dytë dhe në fund regjistroi fitoren e 8-të në kampionat. Bardhezinjtë kanë 26 pikë aktualisht, -2 nga zikaltrit e Inzagit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.