.png)
Gazeta Si – ‘Topi i Artë’ 2023 i takon Leo Mesit. Ashtu siç pritej, argjentinasi ka fituar për herë të 8-të trofeun, pasi udhëhoqi kombëtaren e vendit të tij në fitimin e Botërorit të Katarit. Këtë herë trofeun Mesi e ka marrë nga duart e Devid Bekham, pronari i Inter Majemit, ku luan sulmuesi.
Pas Mesit janë renditur Haland i Mançester Sitit, fitues i tripletës, dhe Mbape i PSG-së. Ceremonia e dhënies së çmimit prestigjioz u organizua sot në Paris, ku klasifikimi u zbulua pak e nga pak nga ‘France Football’.
Here is the full 2023 Men's Ballon d'Or ranking ⬇️ #ballondor📷 pic.twitter.com/9V55O0R87M
— Ballon d'Or #ballondor (@ballondor) October 30, 2023
Aitana Bonmati fitoi ‘Topin e Artë’ për femra. Mesfushorja e Barcelonës dhe Spanjës ishte një nga lojtaret kryesore të skuadrës iberike, e shpallur kampione bote.
Aitana! 🌕 #ballondor pic.twitter.com/vcTsqbksnl
— Ballon d'Or #ballondor (@ballondor) October 30, 2023
Emiliano Martinez ka fituar trofeun ‘Jashin’, që akordohet për portierin më të mirë. Ai ishte një nga protagonistët kryesorë të Botërorit të Katarit me Argjentinën.
Një tjetër çmim, ‘Kopa’, që jepet për lojtarin më të mirë nën 21 vjeç, është fituar nga Xhud Belingham, ashtu siç edhe pritej. Ylli i Real Madridit, sezonin e kaluar me fanellën e Borusia Dortmund, mundi Musialan e Bajern Mynih dhe Pedrin e Barcelonës.
Erling Haland fitoi çmimin ‘Gerd Myler’, që akordohet për sulmuesin më të mirë. Norvegjezi e ka ka fituar këtë çmim për golat e fituar me fanellën e Mançester Sitit. Vinicius i Real Madrid fitoi çmimin ‘Sokrates’.
Back-to-Back winner! Manchester City is the men club of the year!
— Ballon d'Or #ballondor (@ballondor) October 30, 2023
Congrats, @ManCity 💙#clubdelannee #ballondor pic.twitter.com/1cTu15YSUn
Mançester Siti ka fituar çmimin e klubit më të mirë, falë tripletës që fitoi sezonin e kaluar, që kulmoi me fitimin për herë të parë në histori të Ligës së Kampionëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
