.png)
Gazeta Si – Milani ishte në avantazh të dy golave pas një pjese të parë shumë të mirë. Në të dytën Garsia ndryshoi Napolin dhe kampionët e Italisë arritën të merrnin një pikë në fund.
Ndodhi gjithçka në ‘Maradona’ mes Napolit dhe Milanit, në sfidën përmbyllëse të javës së 10-të të Serisë A, që përfundoi në barazim, 2-2. Skuadra e Stefano Piolit dominoi pjesën e parë dhe e mbyllit atë 2-0, falë dopietës së Oliver Zhiru, si dhe me dy shanse të mira për golin e 3-të.
Në pjesën e dytë Rudi Garsia bëri ndryshimin me zëvendësimet dhe Napoli barazoi me golat e Politanos (50') dhe Raspadorit (63'), madje i shkoi afër edhe golit të fitores. Ky barazim bën që Milani të mbetet -3 nga Interi, ndërkohë që rëndohen pozitat e trajnerit Stefano Pioli.
Edhe fati nuk ishte me kuqezinjtë në këtë ndeshje, ku u dëmtuam fillimisht Kalulu dhe më pas Pulisiç dhe Pelegrino. Kalabria pati një mundësi shumë të mirë në fundin e ndeshjes, por nuk mundi ta çonte topin në rrjetë shumë afër portës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
