Gazeta Si – Gjatë panairit të librit në Frankurt, ku Sllovenia e tij është e ftuar nderi, presidenti i UEFA-s, Aleksander Ceferin, nuk ka dashur të bëjë komente specifike për çështjen e basteve që ka goditur futbollin italian. “Do preferoja të flisja për librat”, – ka thënë ai.
Megjithatë, njërës prej pyetjeve Ceferin i është përgjigjur kështu: “Futbollistët duhet të përfaqësojnë një model sjelljeje? Po, kështu duhet të jetë. Disa janë, disa të tjerë për fat të keq jo”.
Ceferin preku edhe faktin se Italia rrezikon të mos jetë në Euro 2024. Ai as që dëshiron ta imagjinojë këtë gjë: “Italia duhet të kualifikohet për në Euro 2024. Në të kundërt do të ishte një katastrofë. Italia është shumë e rëndësishme, mendoj se do të fitojë me Ukrainën”.
Ceferin është në krye të UEFA-s që nga viti 2016 dhe ëhstë rizgjedhur në këtë detyrë deri në vitin 2027 më 5 prill të këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
