Gazeta Si - Bundesliga 2023/2024 është hapur me sfidën mes Verder Bremenit dhe Bajernit të Mynihut. Në ‘Weserstadion’ skuadra e trajnerit Tomas Tuhel fitoi thellë 0-4, nën shenjën e Herri Kejn.
Rezultati u zhbllokua nga Leroi Sane pas 4 minutash, pas një kombinimi me Herri Kejn. Anglezi dyfishoi shifrat në minutën e 74-t, kur pas një pasimi të Devis në zonë gjuajti saktë me të djathtën. Në kohën shtesë shënoi sërish Sane dhe pastaj Tel kompletoi ‘pokerin’ e bavarezëve.
Pas humbjes në Superkupën e Gjermanisë, Bajerni e filloi mbarë Bundesligën. Kejn e nisi titullar dhe pas shpinës kishte Sane, Musiala dhe Koman. Paraqitja e ish-kapitenit të Totenhemit ishte e mirë, me gol dhe asist. Ndeshja për bavarezët nisi në mënyrën më të mirë dhe më pas fitorja u bë më e lehtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.