.png)
Gazeta Si – Kryeministri spanjoll Pedro Sanchez ka shpërndarë Parlamentin dhe ka shpallur zgjedhje të parakohshme më 23 korrik pas humbjes së tij në zgjedhjet lokale të së dielës.
Është një “tërmet” politik në fakt, të cilin shumëkush e kishte frikë, por askush nuk e priste në përmasa të tilla.
Duke iu drejtuar kombit në TV, Sanchez njoftoi se ai i kishte komunikuar tashmë mbretit Felipe VI, kreut të shtetit, “vendimin e tij për të shpërndarë Parlamentin dhe për të vazhduar me thirrjen e zgjedhjeve të përgjithshme”, të cilat ishin planifikuar për në fund të vitit. Kryeministri shtoi se ishte e drejtë që tani spanjollët “folën”.
Një vendim që shtyn kampin kundërshtar – konservatorët e Partisë Popullore dhe të djathtën ekstreme të Vox – të përshpejtojnë marrëveshjet për një pakt elektoral që shumë brenda PP e kundërshtojnë, duke filluar nga presidenti i Komunitetit të Madridit, triumfues i madh i votimeve të dielën.
Por duke thirrur zgjedhjet pesë muaj përpara afatit, Sanchez po detyron gjithashtu kampin progresiv të gjejë një pikë grumbullimi për të parandaluar një qeveri të ardhshme të krahut të djathtë.
Kryeministri ka marrë “personalisht” përgjegjësinë për rezultatin e zgjedhjeve. Një goditje si në nivel komunal – PP merr 31.5% kundrejt 28.1% të PSOE që humb qytetet kyçe si Sevilja dhe Valencia – dhe në nivel rajonal: konservatorët fitojnë shtatë komunitete autonome nga 12 ku votuan.
Megjithatë, vetëm dy – Komuniteti i Madridit dhe La Rioja – marrin një shumicë absolute.
Në të gjitha të tjerat ata do të detyrohen të bëjnë aleancë me partinë Vox të Santiago Abascal, e cila mbrëmë paralajmëroi: “Ne jemi absolutisht të domosdoshëm”.
Pas një nate takimesh të furishme, erdhi përgjigja drastike e Sanchez. “Duke nënshtruar mandatin para vullnetit të popullit”, jo pa dëshpërim për faktin se harta e re politike nxjerr “mazhoranca të reja të përbërë nga PP dhe Voz”.
Kryeministri shfrytëzoi rastin për të mbrojtur punën e qeverisë së tij, e cila duhej të përballej fillimisht me pandeminë Covid dhe më pas me pasojat ekonomike të luftës në Ukrainë.
“Ne po përballemi me një rrugë të qartë rritjeje, punësimi dhe kohezion social”, tha ai të hënën në mëngjes nga Moncloa, duke pretenduar se ekzekutivi i tij, “ka kryer reformat madhore të premtuara në fjalimin investues, në programin e qeverisë dhe në marrëveshjet me Komisioni Europian”.
Spanja merr presidencën e radhës të Komisionit Evropian më 1 korrik. Për këtë arsye, tha kryeministri, është thelbësore të qartësohet vullneti i popullit spanjoll, “cilat politika duhet të ndjekë qeveria e koalicionit dhe cilat forca politike duhet të drejtojnë këtë fazë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
