Gazeta Si – Një grup kriminal që ushtronte kultivimin e kanabisit me anë të llambave në Tiranë është goditur nga policia që ka sekuestruar lëndë narkotike me vlerë 100 mijë euro dhe ka arrestuar 3 persona.
Ata e bënin gati lëndën narkotike në shtëpinë e 44-vjecarit në Mallkuç të Fushë-Krujës, e paketonin dhe e shisnin.
Konkretisht, janë arrestuar:
– Ervin Prifti, alias E. B., 29 vjeç, banues në Tiranë;
– Artan Muça,, 44 vjeç, banues ne fshatin Mallkuç, Fushë-Krujë;
– Gentian Muça, 26 vjeç, banues në fshatin Mallkuç, Fushë-Krujë.
Nga kontrolli i ushtruar në banesën e shtetasit A. M., në Mallkuç, Policia gjeti dhe sekuestroi në cilësinë e provës materiale, 61 kilogramë lëndë narkotike kanabis, e paketuar gati për shitje, me vlerë rreth 100 000 euro.
Gjithashtu, nga kontrolli u gjetën dhe u sekuestruan pajisje të ndryshme që shërbejnë për kultivimin e kanabisit në ambiente të mbyllura, si: llamba, aspiratorë, ventilatorë, filtra ajrimi etj, një shotgun, municion luftarak, shuma parash, 2 automjete dhe 3 aparate celulare.
Nga verifikimet e kryera ka rezultuar se 3 të arrestuarit, pasi kultivonin kanabis në banesën e shtetasit A. M., e paketonin dhe më pas e shisnin atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
