.png)
Kryetari i Partisë së Lirisë Ilir Meta ishte në zyrën e Sali Berishës i shoqëruar nga nënkryetari Petrit Vasili.
Pas takimit, Meta tha për gazetarët se protesta dhe përgatitja për zgjedhjet do të ecin paralelisht.
“E qartë që ne do ecim në rrugën e protestave dhe pa asnjë diskutim në rrugën e zgjedhjeve dhe protestat e zgjedhjet do i japin fund këtij regjimi të korruptuar në çdo qelizë të tij që është kërcënim jo vetëm për vendin tonë”.
A u ra dakord që të enjten të ketë një protestë para Parlamentit?
“Kemi rënë dakord për shumë çështje të rëndësishme, mbështesim plotësisht PD në gjithë kërkesat e saj të drejta dhe legjitime dhe përpjekjet për të ekzekutuar pluralizmin politik do të kenë përfundim ekzekutimin e këtij regjimi mafioz”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
