Studiuesit kanë gjetur një metodë të re për të shëruar pacientët pasi ata përjetojnë një goditje në tru. Thonë se mund të jetë zgjidhje për shumë sëmundje.
Studiuesit kanë zbuluar një ilaç që mund të luftojë efektet e një goditjeje. Ata e kryen këtë eksperiment tek minjtë dhe arritën rezultate pozitive. Kjo metodë mund të rrisë ndikimin e stimulimit magnetik transkranial (TMS), thonë ekspertët.
Çfarë është TMS?
Është një mënyrë jo invazive e stimulimit të trurit dhe kjo metodë është tashmë në përdorim. është përdorur klinikisht për të trajtuar gjendjet neurologjike si sëmundja e Parkinsonit, depresioni, sëmundja e Alzheimerit, varësia dhe ekspertët tani thonë se mund të shërojë edhe goditjet në tru.
Si funksionon kjo teknikë?
Për një kohë të gjatë, studiuesit thonë se futja e ilaçeve në tru ka qenë një sfidë shumë e vështirë. Ka mure shumë të papërshkueshme të enëve të gjakut që pengojnë çdo lloj përbërjeje të “udhëtojë” në tru në sasi të mëdha. Megjithatë, studimet e bazuara në hulumtimet e mëparshme sugjeruan se disa ilaçe mund të jenë në gjendje të arrijnë në trurin tonë përmes hundës.
A është efektive?
Një fushë për të cilën studiuesit janë ende të pasigurt është nëse sasia e kërkuar e molekulave do të jetë në gjendje të arrijë në tru dhe të sjellë ndonjë përfitim mjekësor. Për t’u siguruar që ky proces funksionon, studiuesit kryen një eksperiment me minjtë. Në minjtë që morën një spraj nazal të antitrupave një herë në ditë për dy javë, pati një përmirësim në rreth 60% pas lëndimit të tyre.
Burimi: The Health Site. Përshtati: Gazeta Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
