Çmimet e energjisë elektrike në bursë janë stabilizuar me nisjen e muajit shtator, duke u luhatur rreth 300 deri në rreth 500 euro.
Sipas ekspertëve, kjo lidhet drejtpërdrejtë me rënien e çmimit të gazit, element kyç për prodhimin e elektricitetit, por edhe planet e Komisionit Europian “për rimodelimin e tregut energjitik”.
Energjia preku shifrat më të larta ndonjëherë mbrëmjen e 30 gushit, kur një megavatorë u shit me më shumë se 1.000 euro, kur Europa po priste ndërprerjen e gazit nga Rusia në Nord Stream 1.
Çmimet e gazit ranë me 21% mëngjesin e të premtes, pasi Gjermania deklaroi se po përgatitet për dimrin dhe KE tha se ka gati një paketë emergjencë për të vendosur një tavan në çmimin e energjisë në treg, si për gazin edhe për elektricitetin.
Rezervat e gazit në Europë janë tani pothuajse 80% të mbushura, duke iu afruar objektivit të BE-së që vendet të arrijnë 80% të plotë deri më 1 nëntor.
Studiuesit në Wood Mackenzie parashikuan se çmimet e larta të gazit natyror do të ulin kërkesën europiane në 7% deri në mars.
Reziku i ndërprerjeve të mëtejshme të gazit rus, po përgatit rajonin për një dimër të ashpër, sipas Mechthild Woersdoerfer, kreu i energjitikës në Komisionin Europian. Vendet janë buzë recesionit dhe inflacioni është tashmë më i larti ndër dekada, duke detyruar kështu BE-në që të marrë masa për uljen e kostove dhe rimodelimin e tregut.
Bashkimi Europian ka rënë dakord që të bashkëpunojë më alternativa të reja të gazit, të rrisë përqindjen e energjisë së rinovueshme dhe të vendosë një ulje vullnetare të kërkesës për gaz. 13 nga anëtarët e saj janë ndikuar nga ndërprerjet e gazit rus.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
