.png)
Gazeta Si - Konsullja e Ukrainës në Tiranë, Svjetllana Bogndanova, i ka dalë në mbrojtje të 25-vjeçarit ukrainas, Fjodor Mihajlo, i cili ka dalë sot para gjykatës bashkë me dy shtetasit rusë, të cilët tentuan të hynin në Uzinën e Armëve në Gramsh mbrëmjen e së shtunës së shkuar.
E pranishme n ambientet e Gjykatës së Shkallës së Parë në Elbasan, ajo nuk është lejuar të marrë pjesë në eancën gjyqësore.
Sipas saj, qytetari ukrainas është i pafajshëm, duke theksuar se ishte pranë uzinës së Garmshit si turist.
“Besoj që qytetari ynë është i pafajshëm, ka qenë vetëm një udhëtar. Unë jam këtu për të parë nëse i janë ofruar kushtet e duhura për mbrojtje. Detyra ime është të mbroj të drejtat e qytetarit tim. Ai duhet të përfaqësohet nga një avokat dhe të jetë në kushte të mira. Duket se këto gjëra janë garantuar.”- tha Konsullja e Ukrainës, Svitlana Bogdanova.
Tre të huajt dyshohen për spiunazh, ndërsa konsullja e Ukrainës ka thënë për mediet shqiptare se 25-vjeçari është fotograf dhe se nuk ka asnjë lidhje me spiunazhin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
