Kryeministri Edi Rama do të niset pasditen e së premtes drejt Selanikut për të marrë pjesë në punimet e samitit të Procesit të Bashkëpunimit të Europës Jug-lindore, SEECP.
SEECP është themeluar në vitin 1996 dhe është i vetmi organizëm që bën bashkë të 13 vende te Europës Jug-lindore, përfshirë këtu edhe Kosovën.
Këtij samiti do t’i bashkohet edhe Kancelari gjerman, Olaf Scholz, ndërsa temat kryesore të diskutimit, sipas agjendës së publikuar do të jenë agresioni rus ndaj Ukrainës dhe integrimi i Ballkanit Perëndimor në Bashkimin Europian.
Samiti do të kryesohet nga Kryeministri grek, Kyriakos Mitsotakis dhe i pranishëm do të jetë edhe Presidenti i Këshillit Europian, Charles Michel.
Ky është samiti i parë pas pandemisë. Në samitin e fundit të mbajtur në Bosnje në 2019-n, Shqipëria u përfaqësua nga Presidenti Ilir Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
