Në janar do të vijnë ekspertë të huaj të sigurisë kibernetike për të hetuar se çfarë ka ndodhur me të dhënat e rreth 700 mijë shqiptarëve dhe orientojnë hetimet drejt burimit të rrjedhjes së tyre në publik.
“I kemi kërkuar që në ditët e para të janarit të mbërrijnë për të nisur një analizë të të gjitha sistemeve që ne kemi, duke mbrojtur kështu sistemet një herë e përgjithmonë”, deklaroi ministrja e Infrastrukturës, Belinda Balluku.
Ndërkohë, në lidhje me incineratorët, Balluku mbrojti vendimin e pagesave të kryera nga ministria që ajo drejton për dy incineratorët e Fierit dhe të Tiranës, pavarësisht se ka një hetim të SPAK. Ministrja tha Shqipëria mund të penalizohej në arbitrazhe nëse nuk do të kryente këto pagesa.
“Ne si ministri e Infrastrukturës dhe Energjisë kemi për të detyrë që të zbatojmë kontratat. Nëse ne nuk do të zbatonim kontratat me siguri do të shkonim në arbitrazh”, u shpreh ministrja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
