Protesta kombëtare ka rikthyer ditët e para të saj, me përplasje të forta mes protestuesve dhe policisë si dhe djegie koshash dhe institucionesh.
Protestuesit fillimisht janë mledhur tek Ministria e Arsimit e më pas kanë marshuar drejt Kryeministrisë. Disa prej protestuesve i kanë vënë flakën derës së Ministrisë së Bujqësisë, ndërkohë që të tjerë kanë ndezur zjarr në kosha.
Situata ka qenë e tensionuar edhe në Bulevardin Dëshmorët e Kombit, tek 21 dhjetori dhe në Sheshin Skënderbej. Protestuesit kanë hedhur fishekzjarre dhe gurë drejt policisë ndërsa policia është përgjigjur me ujë me presion dhe gaz lotsjellës.
Ndërkohë kryeministri Edi Rama nuk është tërhequr nga ftesa për dialog.
Kreu i qeverisë ka publikuar në rrjetet sociale një video ku shihet se para Kryeministrisë ka vendosur një “tavolinë” dhe në të ka lënë letrat ku është e shkruar fjala “dialog”.
“Mirëmëngjes”, ka shkruar Rama krahas videos së postuar mëngjesin e kësaj të shtune në “Facebook”.
Kujtojmë se karriget, stolat prej guri që çdo ditë Rama ka vendosur para Kryeministrisë për protestuesit, që të ulen në dialog, këta të fundit i kanë refuzuar.
Prej ditësh, Tirana është përfshirë nga protesta të dhunshme. Protestuesit kërkojnë dorëheqjen e kryeministrit të vendit. Ndërkohë Rama është shprehur se nuk e jep dorëheqjen, ndërsa shton se është i gatshëm për dialog.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
.png)




Lini një Përgjigje