Zbukurimet, Babagjyshi dhe çorapet si dhuratë janë pjesë e ideve të shumë njerëzve për Krishtlindje, por festa mund të duket shumë e ndryshme në mbarë globin.
Nga Europa në Azi deri në thellësitë e Antarktidës, ja se si festohen Krishtlindjet në nëntë vende në mbarë botën.
Kroacia
Festimet e Krishtlindjeve në Kroaci fillojnë herët, me disa tradita që fillojnë në nëntor.
Ashtu si europianët e tjerë, kroatët gjithashtu festojnë Ditën e Shën Nikollës në fillim të dhjetorit, ku fëmijët lënë jashtë këpucët e tyre, duke pritur që Shën Nikolla t’u lërë atyre karamele dhe dhurata të vogla.
“Si fëmijë kam lënë jashtë një këpucë në dritare”, tha Antonio Zdunich, i cili ka lindur në Kroaci. “Dikush do ta mbushte atë me dhurata dhe ëmbëlsira gjatë natës, dhe unë zgjohesha dhe isha i lumtur”.
Shumë familje në Kroaci mbjellin grurë më 13 dhjetor me besimin se nëse rritet mirë, viti i ardhshëm do të jetë i begatë për ta.
Suedia
“Njerëzit e Suedisë dekorojnë pemët e Krishtlindjeve dhe shkëmbejnë dhurata, të ngjashme me vendet e tjera të botës”, tha suedezi Patrik Kerttu.
Ata festojnë edhe me Donald Duck. Vitin e kaluar, më shumë se 4.5 milionë njerëz pothuajse gjysma e popullsisë së Suedisë ndoqën specialen e Disney-t të vitit 1958 “From All of Us to All of You”. Është transmetuar atje çdo vit që nga viti 1959.
Ushqimet e njohura gjatë kësaj periudhe të vitit janë qofte, proshutë, salmoni i tymosur ose i marinuar, turshi dhe një tavë me patate.
Indi
“Krishtlindja është një festë kombëtare në Indi edhe pse vetëm 2.4% e popullsisë janë të krishterë”, sipas Qendrës Kërkimore Pew. Shfaqjet dhe festimet në shkolla janë të zakonshme në të gjithë vendin.
“Krishtlindja është një festë mjaft e rëndësishme për familjen time, sepse është hera e vetme në vit që shumica e familjes mblidhen së bashku”, tha Isha Meleth, një banore e Krishterë.
“Ne ndërtojmë një Betlehem përpara shtëpisë çdo vit”.
Dy pjata të njohura të Krishtlindjeve janë kheer, një lloj pudingu i ëmbël me qumësht dhe kallappam, një petull me kokos si dhe orizi që është më i zakonshëm në Indinë jugore.
Japonia
Për shumicën në Japoni, Krishtlindjet janë një çështje laike, më shumë se një çështje fetare.
Shumë japonezë e festojnë festën njësoj si Ditën e Shën Valentinit, me çifte që kalojnë ditën së bashku, sipas JR Pass, një kompani japoneze e udhëtimeve. Është e zakonshme që njerëzit të shkojnë në restorante dhe të shëtisin duke parë dritat e Krishtlindjeve me partnerët e tyre.
Një nga traditat më të diskutuara, të paktën jashtë Japonisë është magjepsja e kulturës me pulën e skuqur për Krishtlindje, shpesh nga zinxhiri i ushqimit të shpejtë në Amerikë KFC.
“Një fushatë marketingu për pushime e vitit 1974 e quajtur “Krishtlindja e Kentakit” nisi një praktikë që tani festohet nga miliona japonezë, tha Tatsuya Noguchi”, një përfaqësuese e KFC Japonisë.
Sipas Noguchi, porositë paraprake për vaktet si “Paketa e Krishtlindjeve” fillojnë rreth shtatë javë përpara. Zinxhiri i restoranteve gjithashtu sheh shitjet më të larta të vitit midis 23 dhe 25 dhjetorit.
“Çdo vit, dita më e ngarkuar është 24 dhjetori që është rreth pesë deri në 10 herë më e ngarkuar se mesatarja vjetore”, tha Noguchi.
Filipinet
Rreth 92% e 110 milionë banorëve të Filipineve janë të krishterë. Krishtlindja është koha më e rëndësishme e vitit në Filipine dhe thuhet se vendi e feston festën më gjatë se kudo tjetër nga shtatori në janar.
“Ashtu si shumë kultura latine, familja ime në Filipine feston Nochebuena, e cila është një festë e madhe në natën e Krishtlindjes”, tha Siena Klinzing, e cila është gjysmë filipinase. “Kjo përfshin mbledhjen me familjen, një festë të madhe dhe ndarjen e dhuratave.”
Ajo tha se familja e saj qëndron zgjuar, njësoj si natën e Vitit të Ri, për t’i uruar të gjithëve “Gëzuar Krishtlindjet” sapo ora të shënojë mesnatën.
Një traditë tjetër e rëndësishme është Simbang Gabi, që do të thotë “meshë natën”, ku njerëzit zgjohen para agimit për të marrë pjesë në meshën për nëntë ditë nga 16 deri më 24 dhjetor. Besohet se ata që i plotësojnë të nëntë ditët mund të kërkojnë një bekim.
Emiratet e Bashkuara Arabe
Megjithëse feja zyrtare shtetërore e Emirateve të Bashkuara Arabe është Islami, Krishtlindjet festohen në disa pjesë të vendit.
Kjo është një çështje veçanërisht e madhe në Emiratet e Abu Dhabit dhe Dubai, ku banojnë një numër i madh i emigrantëve.
Qendrat dhe hotelet shpesh dekorohen shumë me pemë të Krishtlindjeve që shtrihen në shumë kate.
Tregjet e Krishtlindjeve, shfaqjet dhe menutë e veçanta të festave në restorante janë gjithashtu të zakonshme gjatë dhjetorit.
Meksika
Krishtlindjet në Meksikë shënohen nga parada të mëdha me muzikë dhe kostume shumëngjyrëshe, pinata të mbushura me karamele dhe Betlehemin. Por një nga zakonet më të njohura të vendit është Las Posadas, një festë gjatë nëntë ditëve që çojnë në Krishtlindje.
“Çdo natë, njerëzit formojnë një grup këndimi që ka për qëllim të përfaqësojë udhëtimin e Marisë dhe Jozefit në Betlehem”, tha blogerja meksikane Mely Martinez.
Ato grupe zakonisht kulmojnë në shtëpinë e dikujt, ku të gjithë mblidhen për një festë me ushqime të tilla si tamale, snacks Krishtlindjesh dhe karamele. Ushqime të tjera të njohura të Krishtlindjeve përfshijnë pozole, petët e ëmbël të skuqur të brumit të quajtur bunuelos dhe një pije me çokollatë të nxehtë të quajtur champurrado.
Kenia
Krishtlindja është një kohë migrimi për shumë njerëz në Kenia. Qytetet, duke përfshirë kryeqytetin e Nairobit, përjetojnë një eksod në dhjetor ndërsa një mori njerëzish udhëtojnë në vendlindjet dhe fshatrat e tyre për t’u ribashkuar me familjet e tyre.
“Shumica e kishave mbajnë një vigjilje nate në prag të Krishtlindjes, ku njerëzit këndojnë këngë dhe himne për orë të tëra”, tha Shikriti Mandal, i cili u rrit në Kenia.
Në ditën e Krishtlindjes, familjet dhe miqtë kanë një festë e cila shpesh përfshin mish dhie ose qengji të pjekur në skarë të quajtur nyama choma.
Antarktida
“Aktualisht, Poli i Jugut është shtëpia e 70 stacioneve kërkimore të përhershme që përfaqësojnë 29 vende të ndryshme”, sipas Oceanëide Expeditions, një kompani turistike në Antarktik.
Duke qenë se mungon rrëmuja e zakonshme e Krishtlindjeve, stacionet gjejnë mënyra krijuese për të festuar mes kolegëve.
“Secili nga pesë stacionet tona kërkimore në Antarktidë feston Krishtlindjet në mënyrën e vet, në varësi të motit”, tha Kathleen Maclean, një përfaqësuese e Anketimit Britanik të Antarktidës. Disa mund të pjekin një gjeldeti dhe të hanë perime të konservuara dhe të ngrira, ndërsa të tjerët të këndojnë këngë, të shikojnë filma për Krishtlindje dhe të luajnë lojëra në tavolinë, tha ajo.
Pavarësisht festimeve, kërkimi vazhdon pasi “duhet të mblidhen ende të dhënat e monitorimit afatgjatë”, tha Maclean.
Stacioni Ndërkombëtar i Hapësirës
E tillë është fryma e Krishtlindjes saqë njerëzit kanë gjetur një mënyrë për ta festuar atë 227 milje detare (420 kilometra) mbi Tokë.
Sipas faqes së internetit të NASA-s, astronautët në bordin e Qendrës Ndërkombëtare të Hapësirës kanë festuar Krishtlindjet, Hanukah dhe Vitin e Ri për 21 vitet e fundit dhe kanë zhvilluar disa tradita gjatë rrugës.
Festimet në ISS përfshijnë dekorimin e stacionit, shijimin e versioneve të qeseve plastike të ushqimeve tradicionale si gjeldeti, salca e boronicës së kuqe, pure patatesh dhe biskota, si dhe filmimi i videove të urimeve të festave që dërgohen përsëri në tokë.
Krishtlindja gjithashtu vjen dy herë në Stacionin Hapësinor pasi bie më 7 janar në kalendarin ortodoks rus, të cilin e ndjekin shumë astronautë rusë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
