Gjykata e Lushnjës ka lënë në burg Fisnik Halilin, 19-vjeçarin nga Cërriku, i cili akuzohet se ka kryer marrëdhënie seksuale me një 11-vjeçare nga fshati Toshkëz i Lushnjës.
Por avokatja e tij, Eva Gjeta ka hedhur poshtë akuzat: “Prokuroria e Lushnjës nuk paraqiti prova kundër 19-vjeçarit në seancë, megjithëse gjykata e la atë në burg. Pas kësaj, mbrojtja do të apelojë vendimin”.
Mësohet se 19-vjeçari ishte njohur me 11-vjeçaren në rrjetet sociale. Nga ana tjetër, vajzës i është bërë ekspertiza mjeko-ligjore dhe pritet përgjigja. Pretendimet e të riut janë se vajza e ka gënjyer për moshën, duke iu paraqitur si 17-vjeçare. Avokatja thotë se pretendimet e djalit 19-vjeçar janë se vajza e ka gënjyer për moshën duke iu paraqitur si 17-vjeçare.
“Për ne ky është një vendim i pambështetur në prova. Djali nuk pranon të ketë kryer marrëdhënie seksuale. Ai thotë se e ka njohur prej një jave e ka marrë në shtëpi për qëllime serioze dhe në asnjë moment nga vajza nuk i është bërë me dije se ka qenë një e mitur”, – vijoi avokatja.
Fisnik Halili u arrestua dy ditë më parë nga Policia e Lushnjës me shtëpinë e tij në Cërrik dhe mbi të rëndon vepra penale “marrëdhënie seksuale me të mitur”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
