“I shokuar nga vendimi i Komisionit të Konkurrencës lidhur me sjelljen e katër kompanive që zotërojnë tregun e grurit, miellit për bukë etj.
Bëhet fjalë për miellin për bukë, bukën vetë. Bëhet fjalë për ushqimin e shtresës më të varfër të shoqërisë. Bëhet fjalë për abuzimin e katër ndërmarrjeve në treg”, shkruan Erion Braçe pas vendimit për të mos gjobitur katër kompanitë e miellit pas rritjes së çmimit të bukës me 10 lekë.
“Dua të shpjegoj pak
Një vit e pak më parë, Komisioni i Konkurrencës, pas një hetimi të gjatë e të thelluar, ka identifikuar sjellje të koordinuar të katër ndërmarrjeve në treg dhe përcaktim të çmimeve për grurin, miellin, përfshirë miellin për bukë;
Ka lënë rekomandime me vendim për to dhe ka lajmëruar monitorim një vjeçar të këtyre katër ndërmarrjeve me një qëllim:
Zbatimin e rekomandimeve!
Në fund të këtij monitorimi, sekretariati i Komisionit të Konkurrencës ka evidentuar moszbatim të rekomandimeve!
Në këtë pikë, ka vetëm një veprim, automatik e të pakundërshtueshëm:
Gjobë ndaj ndërmarrjeve nën hetim, vendim dhe rekomandim”, shkruan Braçe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
