.png)
Këshilli i Lartë Gjyqësor ka futur me urgjencë në rend dite kërkesën e Inspektoriatit të Lartë të Drejtësisë për kryetaren në detyrë të Gjykatës së Elbasanit, Enkeleida Kapedani.
Relator i çështjes është caktuar Maksim Qoku.
ILD ka kërkuar pezullimin dhe shkarkimin nga detyra të gjyqtares.
Pak ditë më parë Kapedanit iu shfaqën disa video në aplikacionin ‘’Tik-Tok’’ nga automjeti dhe ambientet e Gjykatës së Elbasanit.
LEXO EDHE:
– Zanafilla e një përleshje me thika pse i shkroi të dashurës së tjetrit në tik tok
– Për sharjet në tik-tok- Rrihen jo vetëm gocat, por edhe mamatë e tyre
Sipas ILD veprimet e saj diskreditojnë rëndë figurën e gjyqtarit.
Videot e gjyqtares u shpërndanë masivisht në rrjetet sociale, duke shkaktuar kritika të shumta mbi mënyrën se si gjyqtarja e trajtonte institucionin, aq më tepër që për detyrën e saj ka edhe një Kod Etike.
Enkeledia Kapedani u dekretua nga Presidenti Bujar Nishani si gjyqtare në vitin 2015 pranë Gjykatës së Elbasanit.
Emri i Kapedanit u lakua në media kohë më parë pasi liroi nga burgu Viktor Ymerin, i cili konsiderohej nga Policia dhe Prokuroria si një nga njerëzit më të afërt të Gazmend Brakës (Gaxhait), i dënuar me burgim të përjetshëm për vrasje. Për këtë çështje, qysh prej dhjetorit 2019, Ministrja e Drejtësisë, Etilda Gjonaj i ka kërkuar me shkrim KLGJ-së verifikimin dhe marrje mase ndaj saj.
Por KLGJ është vënë në lëvizje vetëm pas rastit të fundit që lidhej me disa video në “Tik Tok”
Kapedani u komandua kryetare e Gjykatës së Elbasanit në 30 shtator të vitit 2020, pas dorëheqjes së gjyqtarit Zihni Shahu.
Gjyqtarja nuk ka kaluar ende procesin e vettingut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
