Një 64-vjeçar italian është prangosur nga ana e policisë për plagosjen e bashkëshortes së tij.
Mediat italiane raportojnë se 64-vjeçari nga Salerno u arrestua pasi mbrëmjen e së dielës ka qëlluar me armë gjahu ndaj bashkëshortes në kopshtin e banesës së tyre.
Në dëshminë e parë të dhënë para autoriteteve, autori i ngjarjes ka thënë se e ka ngatërruar gruan me një derr të egër, nisur nga errësira.
Saçmet e çiftes e kanë kapur gruan në pjesën e shpatullës së djathtë. Pas marrjes së mjekimit të parë, viktima ndodhet jashtë rrezikut për jetën, ndërsa autoritetet thonë se po hetojnë për zbardhjen e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
