Kryetari i Komisionit Qendror të Zgjedhjeve, Ilirjan Celibashi tha se për të pasur shifër përfundimtare e pjesëmarrjes në këto zgjedhje duhet pritur dita e hënë.
Celibashi doli në një konferencë për shtyp ku tha se gjithsesi projeksionet e KQZ-së për pjesëmarrjen përllogariten në rreth 48 për qind e votuesve.
Ai hodhi poshtë zërat se pjesëmarrja po zvarritej qëllimisht, ndërsa iu përgjigj edhe pyetjeve se përse nuk ka dalë kjo pjesëmarrje të paktën për njësinë 10 në Tiranë, ku edhe u votua elektronikisht.
“ZAZ 40 ka 32 qendra votimi dhe jo të gjitha qendrat e votimit i kanë dorëzuar materialet zgjedhore. Një pjesë e tyre e kanë bërë, të tjera ende jo”, tha Celibashi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
