Lira turke pësoi rënie drastike pas shkarkimit nga puna të guvernatorit të Bankës së Turqisë Naci Agbal, si vendim i Presidentit turk Recep Erdogan. Banka ka në krye guvernatorin e katërt në më pak se 2 vite. Vlera e Lirës është përgjysmuar që nga kriza ekonomike në vitin 2018.
Inflacioni në Turqi arriti kulmin e 6 muajve të fundit në mars, ku arriti në 16.19%, shumë më lart se 5% i synuar. Ndërkohë, papunësia mbetetet në nivele të larta prej 12.2%.
Një strehim për investitorët turq duket të jetë kriptovaluta, ku ata po gjejnë strehë ndaj inflacionit të lartë.
Analizat nga Reuters tregojnë se nga fillimi i shkurtit deri më 24 mars 2021, turqit investuan 218 miliardë Lira (19 miliardë paund) në kriptovalutë, nga 7 miliardë Lira që ishin në të njëjtën periudhë të një viti më parë.
Tashmë në shtetin turk, ekziston një çajtore që pranon pagesat me Bitcoin. Çajtorja “Drita e Kuqe” në qytetin Çorum të Turqisë, është me një këmbë në të shkuarën dhe një në të ardhme. Një ambjent me grafika otomane të vjetra që pranon monedhat digjitale.
Burimi: The Guardian
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
