Qendra Ndërkombëtare për Studime Sportive, (Cies), sipas një algoritmi që merr parasysh goditjet në portë, të tentuara ose të pësuara, zotërimin e topit, pasimet e bëra dhe ato të bëra nga kundërshtarët në zona të ndryshme të fushës, ka përcaktuar renditjen e Serie A, Serie B dhe ligave më të rëndësishme evropiane. Sipas Cies, kampionati italian do ta ketë Interi kampion, me 81 pikë në renditje.
Milani do ta mbyllë kampionatin i dyti, me dy pikë më pak se kampionët e Italisë, pastaj Juventus, me 78 pikë dhe Napoli me 76. Këto janë pozicionet që shkojnë në Champions. Në vendin e pestë dhe të gjashtë Roma dhe Atalanta, që ndiqen nga Lazio. Në Serie B, sipas algoritmit, do të zbresin Parma, Cagliari dhe Crotone. Arrijnë promocionin direkt Monza dhe Empoli.
Në Premier League, sipas Cies, kampionati do të fitohet nga Manchester City, përpara kushërinjve të United dhe Liverpool, ndërsa vendin e fundit që të çon në Champions do ta marrë Chelsea. Në Spanjë, Atletico Madrid i Simeones do të fitojë Ligën, me Barcelonën në vendin e dytë e ndjekur nga Real dhe Sevilla. Asnjë surprizë në Bundesliga, me Bayern kampion, ndërsa Ligue 1 do të shohë Lyon të triumfojë para PSG.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
