Endri Çekiçi ka realizuar një supergol me një goditje dënimi me një kënd në pothuaj të pamundur realizimi. Ai ka gjetur golin në ndeshjen e kampionatit turk, Ankaragucu-Basaksehir. Edhe pse ekipi i tij u mposht 1-2 në shtëpi nga një ekip më i fortë por në krizë si Basaksehir, 24-vjeçari pogradecar ishte protagonist i një ndeshje të mirë të kulmuar në minutën e 20-të me një goditje dënimi magjike, që barazoi momentalisht rezultatin.
Ky ishte goli i parë për Çekiçin në elitën e futbollit turk, teksa u transferua në merkaton e kaluar nga Olimpija e Ljubjanës. Tek ekipi turk, 24-vjeçari është duke u aktivizuar me vazhdimësi dhe goli i sotëm i jep edhe më shumë vlerë performancave të tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
