Viti filloi dhe përfundoi me tifozët në zi për vdekjen e legjendave të sportit Kobe Bryant dhe Diego Maradona . Në mes, pandemia e koronavirusit që detyroi sportin global të pësonte mbyllje të paparë, ndërsa atletët gjithnjë e më shumë përdorën ndikimin e tyre shoqëror për të protestuar kundër padrejtësive racore.
2020 duhet të ishte një vit fantastik për adhuruesit e sportit në të gjithë botën, i kryesuar nga Lojërat Olimpike të Tokios dhe Europianit . Në vend të kësaj, ky plan u përmbys nga pandemia e koronavirusit , e cila detyroi shtyrjen ose anulimin e pothuajse të gjitha ngjarjeve sportive, nga ligat amatore te Lojërat Olimpike – ose “shfaqja më e madhe në tokë”.
Të uritur nga ngjarjet sportive, tifozët nuk kishin zgjedhje tjetër veçse të shikonin përsëritjet e turneve të kaluara ose të shikonin për ligën pak të njohur bjelloruse të futbollit , e vetmja që vazhdoi pavarësisht nga pandemia.
Për herë të parë që nga Lufta e Dytë Botërore, organizatorët u detyruan të ri planifikojnë Olimpiadën. Mbajtja e saj në 2021 do të jetë “një dëshmi e humbjes së njerëzimit ndaj virusit”, tha Kryeministri në largim i Japonisë Shinzo Abe, për shtyrjen që mund të kushtojë deri në 2.8 miliardë dollarë.
UEFA, organi drejtues i futbollit Evropian, gjithashtu shtyu turneun Euro 2020 me 12 muaj. Ngjarje të tjera thjesht u anuluan plotësisht, duke përfshirë Wimbledon, turneun më prestigjioz të tenisit, i cili u mbyll për herë të parë që nga Lufta.
Me një guxim të tepruar, që në fund rezultoi i suksesshëm, Roland Garros zgjodhi të shtynte turneun e tij të verës deri në vjeshtë. Moti i keq bëri pak ndryshim për kampionin shumëvjeçar Rafael Nadal , i cili fitoi titullin e tij të 13 të French Open. Por kishte më shumë pezullim në garat e femrave, e cila pa 19-vjeçaren Iga Swiatek të bëhej lojtarja e parë polake që fitoi një titull të Grand Slam.
Tour de France, gjithashtu vendosi për një fillim të vonshëm për shkak të pandemisë. Tifozët vendas shpresonin për një duel në shtëpi midis Julian Alaphilippe dhe Thibaut Pinot, por u desh të pajtoheshin për një përplasje tërësisht sllovene duke vendosur Primoz Roglic kundër Tadej Pogacar.
Vetëm disa javë më vonë, Alaphilippe fitoi kampionatin botëror të çiklizmit në Itali, duke u bërë francezi i parë që merr këtë titull në këtë shekull.
Në një ‘’flluskë’’
Yjet e futbollit u detyruan të ktheheshin në fushë, të detyruar prej presionit të ligave në gjendje të vështirë financiare dhe gazetarë në kërkim të transmetimit direkt. Sidoqoftë, me Covid-19 akoma në fuqinë e tij të plotë, loja do të zhvillohej pa tifozë.
Bundesliga e Gjermanisë ishte kampionati i parë i madh i futbollit që rinisi ndeshjet në maj, i ndjekur nga ligat e tjera. Ligue 1 e Francës ishte një përjashtim i dukshëm pasi qeveria lokale vendosi ta mbyllë sezonin më herët.
Ligat kryesues ofruan disa surpriza, me Paris Saint- Germain , Juventus dhe Bayern Munchen që arritën të mbajnë titujt e tyre dhe Real Madrid që mundi Barcelonën në Spanjë. Në Angli, Liverpool i dha fund pritjes 30-vjeçare duke fituar titullin e Premier League.
Ndërkohë, UEFA vendosi të përfundojë Champions League, me një mini-turne “Final Eight” të mbajtur në Lisbonë në gusht.
Megjithëse i paprecedent në formatin e tij, “Final Eight” i UEFA-s ishte më normale se izolimi “Bubble” i vendosur nga zyrtarët e NBA në Walt Disney World në Florida për të mbrojtur yjet e basketbollit nga Covid-19. Një investim prej 190 milion dollarësh, zona e veçantë e izolimit nuk regjistroi asnjë rast me Covid-19 midis 22 skuadrave që morën pjesë. LeBron James udhëhoqi Los Angeles Lakers në fitoren ndaj Miami Heat në Finalet e NBA , duke fituar trofeun e tij të katërt.
Black Lives Matter
Një sukses në aspektin sportiv, shëndetësor dhe financiar, NBA Bubble pati një ndikim edhe më të madh si një platformë për lojtarët dhe zyrtarët për të protestuar kundër padrejtësisë racore pas vrasjeve të kryera nga policia të George Floyd dhe Breonna Taylor.
Lojtarët u ulen në gju gjatë himnit kombëtar dhe mbanin bluza dhe maska me fjalët, “Black Lives Matter”. Zyrtarët e NBA gjithashtu pikturuan “Black Lives Matter” në fusha dhe lejuan një numër mesazhesh në fanellat e ekipeve të tilla si “Voto” dhe “Unë nuk mund të marr frymë”. Në një ndeshje në NBA, ligën e grave, lojtarët vishnin bluza të bardha me shtatë plumba në pjesën e pasme në shenjë proteste për një vrasje tjetër të policisë.
Protestat e BLM u shfaqën dukshëm edhe në sporte të tjera. US Open shprehu mbështetjen e tij duke shfaqur piktura nga artistë të zinj në tribunat e një stadiumi kryesisht bosh, ndërsa ylli i tenisit të Japonisë Naomi Osaka mbante maska të zeza të personalizuara të fytyrës, secila me emrin e një viktime të vrasjeve të dyshuara raciste. Britaniku Andy Murray, ish-numri një në botë, ishte midis atletëve të shumtë që u gjunjëzuan gjatë një ndeshje zyrtare këtë vit.
Gjeste të ngjashme u shfaqën në të gjithë botën në sporte të ndryshme si bejsbolli, ragbi, kriket, volejboll dhe gara. Protestat u përhapën në fushat e futbollit evropian, ku racizmi ishte lejuar prej kohësh të lulëzonte i pakontrolluar. Në një incident, lojtarët dolën nga fusha gjatë një ndeshje të Ligës së Kampionëve midis Paris Saint- Germain dhe Istanbul Basaksehir pasi një zyrtar u akuzua për përdorimin e gjuhës raciste.
Më i miri i të gjitha kohërave?
Ndër protestuesit më të shquar të anti-racizmit të vitit ishte kampioni i Formula 1 Lewis Hamilton, i cili festoi në podium me një përshëndetje të fuqisë së zezë pas fitores së Çmimit të Madh Britanik në Silverstone. Piloti i vetëm me ngjyrë në F1, Hamilton u ul në gju përpara çdo gare dhe veshi disa bluza me parulla nga lëvizja Black Lives Matter. Ai kritikoi ish-kampionët që e akuzuan atë se është bërë “politik”, duke thënë që protesta e tij anti-racizëm kishte të bënte me të drejtat e njeriut dhe jo me politikë.
Fitorja e Britanikut në Grand Prix të Turqisë në nëntor vulosi kampionatin dhe titullin e tij të shtatë , që përputhet me rekordin e Michael Schumacher – një arritje që dikur konsiderohej e pamundur. Suksesi i Hamilton nxiti bisedat nëse ai duhej konsideruar si shoferi më i mirë i Formula 1 i të gjitha kohërave. Ai sigurisht u bë më i suksesshmi në histori, duke grumbulluar më shumë fitore në garë – një marramendëse 94 – se çdo tjetër para tij.
Lamtumirë legjendave
Viti sportiv u hap me një tjetër aksident të tmerrshëm, një që nuk la asnjë shans për të shpëtuar. Më 26 janar, bota u trondit nga lajmi se legjenda 41-vjeçare e basketbollit Kobe Bryant kishte vdekur në një aksident helikopteri së bashku me vajzën e tij adoleshente Gianna, një yll i ardhshëm i basketbollit dhe shtatë pasagjerë të tjerë.
Ditë pas përplasjes, njëzet mijë njerëz mbushën Staples Center në Los Anxhelos për një memorial televiziv kombëtar që u hap me një këngë nga Beyonce , e ndjekur nga një eulogji e përlotur nga Michael Jordan. Magic Johnson, një ikonë tjetër e Los Angeles Lakers, e përshkroi Bryant si ” Lakersin më të madh të të gjitha kohërave”. Muaj më vonë, skuadra e LA-së ia kushtoi fitoren e saj në Finalet e NBA-së Kobe dhe Gianna .
Kishte më shumë pikëllim global – dhe debati “më i madhi i të gjitha kohërave” – në fund të nëntorit kur Diego Maradona , futbollisti legjendar argjentinas, vdiq nga një atak në zemër në moshën 60 vjeç. Argjentina shpalli tre ditë zi kombëtare në shenjë nderimi për futbollistin e dashur, ndërsa klubi i vjetër i Maradonës Napoli riemëroi stadiumin me emrin e Maradonës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
