Zvonimir Boban mposht Milanin. Gjykata e Milanos, seksioni i punës, ka dënuar klubin të paguajë 5.37 milion euro për ish-drejtuesin e lartë të kuqezinjve si pjesë e procesit gjyqësor për shkarkimin e tij, që erdhi pas një interviste të dhënë nga ish-mesfushori kroat. Para se të arrinte në vendim, gjykatësi kishte dëgjuar edhe dëshmitë e drejtorit teknik të Milanos, Paolo Maldini, dhe të drejtorit sportiv Frederick Massara.
Pas deklaratave të tij të lëshuara shkurtin e kaluar për një gazetë të njohur sportive, me të cilën Boban denoncoi faktin se ai nuk ishte përfshirë në zgjedhjen e atij që do të ishte trajneri i ri i Milan, Ralf Rangnick, kroati ishte përjashtuar nga klubi për “çështjen e duhur” sepse, sipas Gazidis, ato deklarata kishin diskredituar shoqërinë.
Në muajt e kaluar, palët nuk kanë qenë në gjendje të gjejnë një marrëveshje, prandaj gjykatësit iu desh të merrte një vendim. Sot gjykimi i dha të drejtë ish-mesfushorit kroat dhe e dënoi klubin me një dëmshpërblim të konsiderueshëm.
Siç rezulton, Milani pret motivimet para se të shprehë vlerësimet e tij mbi çështjen, por konfirmon vullnetin e vendosur për të apeluar për të mbrojtur klubin, duke rikonfirmuar korrektësinë dhe legjitimitetin total të vendimeve dhe veprimeve të ndërmarra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
