Ndeshja e fundit përballë Crystal Palace ishte speciale për Kasper Schmeichel. Gardiani i Leicester City zbriti për herë të 398-të në fushë, duke barazuar numrin e rekordit që mbahej nga një portier danez në Premier League. Por ai nuk barazoi rekordin e një ish-portieri dosido, po babain e tij, Peter Schmeichel, me plot 398 ndeshje për Manchester United.
Kasper pritet ta thyejë dhe ta thellojë këtë rekord, pasi në moshën 34 vjeçare ai vijon të jetë portier titullar i Leicester City. Ai ka dhe dy vite të tjera kontratë me “Dhelprat” dhe deri atëherë rekordi do të do të ketë një tjetër shifër.
Kulmi i tij është viti 2016, kur për herë të parë në historinë e futbollit anglez Leicester City u shpall kampion. Në këtë drejtim i ati Peter ia kalon, pasi ka fituar 5 tituj me Manchester United dhe 5 kupa në Angli, pa harruar triumfin e vitit 1999 në Champions League. Edhe sa i përket kombëtares daneze, Kasper mbetet shumë prapa me të atin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
