Argentinos Juniors përuroi një “kishëz”, kushtuar Diego Maradonës. Është krijuar brenda stadiumit “La Paternal” në Buenos Aires, ku “Pibe de Oro” bëri debutimin e tij në Primera Division, më 20 tetor 1976 kundër Talleres ( 0-1), duke hyrë në fushë në fillim të pjesës së dytë- trajner Juan Carlos Montes – me fanellën nr. 16 në vend të Rubén Giacobetti. Disa ditë më vonë, më 14 nëntor, ai shënoi dopietën e parë në kampionat kundër San Lorenzo de Almagro.
“Altari” ndodhet nën tribunën e poshtme. Imazhi i Diegos u krijua nga artisti Maximiliano Bagnasco. Aty do të ndodhin procesione të gjata, me një dashuri pa fund. “Shenjtërorja” mund të vizitohet nga e hëna në të premte nga ora 8 deri në 16.
Maradona u bë një lojtar profesionist me Argentinos Juniors, ku luajti deri më 1980, duke shënuar 43 gola në 45 ndeshje dhe duke fituar titullin e golashënuesit më të mirë më 1978, me 22 gola. U ble nga Boca Juniors për dy milionë dollarë. Një shifër rekord për kohën, duke marrë parasysh se pesë lojtarë u përfshinë gjithashtu në negociata: Salinas, Santos, Bordon, Zanabria dhe Randazzo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
