UEFA ka shpallur nominimet për lojtarët më të mirë të sezonit 2017-18. Ashtu siç pritej, tre prendentët kryesorë sipas Uefa janë Kristiano Ronaldo, Mohamed Salah dhe Luka Modriç. Për herë të parë në 10 vitet e fundit Lionel Messi është jashtë listës së tre vendeve të para.
Luka Modriç është nominuar nga Uefa me motivacionin se ishte një nga lojtarët më të mirë të Real Madrid që fitoi Champions League për të tretën herë radhazi. Gjithashtu ai ishte udhëheqësi i Kroacisë në Kampionatin Botëror, duke shkuar deri në finale. Në këtë kompeticion, Modriç u shpall edhe lojtari më i mirë.
Kristano Ronaldo konsiderohet si lojtari më i rëndësishëm i Real Madrid në fitimin e Ligës së Kampionëve këtë sezon. Portugezi këtë vit ka fituar trofeun e pestë personal në Ligën e Kampionëve.
Mohamed Salah futet në treshen pretendente pas sezonit spektakolar që bëri me Liverpool në Champions League dhe Premier League. Egjiptiani ishte golashënuesi më i mirë i ekipit të tij.
Lista e lojtarëve më të mirë të sezonit të shkuar sipas renditjes që ka bërë UEFA vijon si më poshtë:
4 Antoine Griezmann
5 Lionel Messi
6 Kylian Mbappé
7 Kevin De Bruyne
8 Raphaël Varane
9 Eden Hazard
10 Sergio Ramos
Më datë 30 gusht UEFA do të shpërndajë edhe disa çmime të tjera, për të cilat kandidatët janë si më poshtë:
Portieri i sezonit: Alisson Becker, Gianluigi Buffon, Keylor Navas
Mbrojtësi i sezonit: Marcelo, Sergio Ramos, Raphaël Varane
Mesfushori i sezonit: Kevin De Bruyne, Toni Kroos, Luka Modrić
Sulmuesi i sezonit: Lionel Messi, Cristiano Ronaldo, Mohamed Salah
Futbollistja më e mirë e sezonit: Pernille Harder, Ada Hegerberg, Amandine Henry
Lojtari më i mirë i Europa League: Diego Godin, Antoine Griezmann, Dimitri Payet
Për të vendosur për fituesit e këtyre çmimeve, Uefa ka vendosur që votojnë 80 trajnerët e skuadrave që marrin pjesë në fazën e grupeve dhe 55 gazetarë sportivë nga e gjithë Europa. Ceremonia e ndarjes së çmimeve do të mbahet si zakonisht në Monako më datë 30 gusht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
