Pasi çmimet e ushqimeve patën një rënie gjatë pandemisë së koronavirusit, indeksi global i FAO-s për çmimet e ushqimeve tregoi një rritje të madhe në nëntor.
Ushqimi rreth botës ishte 5 % më i shtrenjtë se mesatarja 2014-2016, në të cilin indeksi bazë llogaritet 100 pikë. Të dhënat e nëntorit janë më të lartat që prej dhjetorit 2014.
Sipas FAO, rënia e rezervave të vajit të palmës bëri që çmimi i produktit të rritet, duke rritur indeksin e çmimit të vajit vegjetal me 14.5 përqind, i cili nga ana e tij kontribuoi kryesisht në rritjen e përgjithshme të indeksit të çmimit të ushqimit. Moti i thatë dhe ndërprerja e prodhimit për shkak të COVID-19 të shoqëruara me kërkesën e lartë nga Festivali Diwali i Indisë, si dhe nga Kina shpunë në zbrazjen e rezervave ushqimore.
Spekulimet rreth asaj se nëse ndërprerjet për shkak të krizës së koronavirusit do të rritnin çmimet e ushqimeve, kanë qenë të shumta, por për shkak të rënies ekonomike të lidhur me COVID-19, ndërprerjeve të zinxhirit të furnizimit dhe rënies së kërkesës, çmimet filluan të ulen që nga fillimi i vitit 2020, duke arritur çmimin më të ulët në maj.
Sipas Kombeve të Bashkuara, rënia e çmimeve të naftës gjithashtu u faktorizua në përkeqësimin fillestar të çmimeve të ushqimit pasi shumë lëndë djegëse alternative prodhohen nga rezervat e ushqimit. Ndërsa kriza vazhdonte dhe vendet u hapën pjesërisht, kërkesa globale dhe çmimet u rritën përsëri në verë. Siç tregon shembulli i rezervave të vajit të palmës, ndërprerjet e lidhura me COVID (ose ato në të cilat COVID-19 është një faktor) kanë fuqinë për të lënë çmimet të rriten në mjedisin aktual të tregut./statista.com/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
