Një sasi e konsiderueshme lënde shpërthyese është vendosur në hyrje të një lokali në qytetin e Shkodrës, por fatmirësisht pa shkaktuar viktima në njerëz.
Lënda plasëse, e dyshuar tritol, ka shpërthyer në orët e mbrëmjes në zonë e njohur si “Kryeqëzimi i Shkollës Pyjore”.
Në momentin e shpërthimit lokali ka qenë i mbyllur dhe nuk ka pasur njeri brenda. Për pasojë, dëmet e shkaktuara janë vetëm materiale.
Policia ka mbërritur në vendngjarje me shpresën e grumbullimit të ndonjë prove materiale që do të çonte në identifikimin e autorëve.
Lokali figuron në pronësi të një gruaje. Policia thotë se po hetohet për ndonjë konflikt të mundshëm të gruas në fjalë, ose familjarëve të saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
