.png)
Gazsjellësi Trans Adriatik (TAP) ka filluar operacionet tregtare, është shprehur konsorciumi që zbaton projektin e transmetimit të gazit.
Tubacioni i gazit 878 kilometra filloi operacionet katër vjet e gjysmë pasi filloi ndërtimi i tij.
“Si një operator i ri i sistemit të transmetimit, i zhvilluar dhe i ndërtuar në përputhje me praktikat dhe standardet më të mira të industrisë, TAP mundëson diversifikim të dyfishtë: një rrugë e re, e besueshme dhe e qëndrueshme e energjisë dhe burim i gazit që arrin në miliona përdorues të Europës, për dekadat që vijnë”, tha drejtori menaxhues i TAP, Luca Schieppati.
Duke u lidhur me Gazsjellësin Trans Anatolian (TANAP) në kufirin e Greqisë me Turqinë, TAP shtrihet në të gjithë Greqinë e Veriut, Shqipërinë dhe Detin Adriatik përpara se të arrijë brigjet e Italisë. TAP, i cili do të transportojë 10 miliardë metra kub furnizime të reja të gazit natyror në vit nga Azerbajxhani në tregjet në Europë, është pjesë e Korridorit të Gazit Jugor, i cili gjithashtu përfshin Gazsjellësin e Kaukazit të Jugut (SCP) që kalon Azerbajxhanin dhe Gjeorgjinë dhe TANAP.
Aksionarët e TAP janë BP, kompania shtetërore e Azerbajxhanit Socar dhe Italia Snam me 20% secili, Belgjika Fluxys me 19%, Spanja Enagas me 16% dhe zvicerane Axpo me 5%. /Seenews/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
