Çështja që po trondit futbollin italian i ngjan çdo ditë e më shumë një telenovele. Situata e tamponëve të Lazios tani komplikohet akoma edhe më shumë: hetuesit e policisë gjyqësore janë dërguar nga Prokuroria e Republikës, që heton mbi çështjen e testeve e të respektimit të protokollit anti-Covid nga ana e shoqërisë bardhekaltër, për të siguruar elementë në qendrën sportive të Formellos e në laboratorin e analizave të Avellinos ‘Futura Diagnostica’. Javën e kaluar Lazio u paraqit me Immobile dhe të tjerët në fushë dhe pse dyshoheshin si të infektuar.
Janë sekuestruar referimet e tamponëve të kryera në javët e fundit e të tjera dokumente. Një situatë që bëhet gjithnjë e më intriguese e që hedh hije mbi punën e Lazios, që ka përfunduar në një ciklon që duket se zmadhohet çdo ditë e më shumë.
Nga gjobë në disa pikë dënimi, madje deri te rënia nga kategoria: këto janë rreziqet që rrezikon Lazio. Çështja mund të ketë gjithashtu si akuzë implikimi kriminal për shkeljen e izolimit të një pozitivi. Ndër krimet më të rënda, epidemia fajtore madje mund të konfigurohet kur një pozitiv shmang izolimin dhe infekton një person tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
